Falece un home de 83 anos na parroquia de Maroxo, en Arzúa

Ecos da Comarca/Arzúa

O gabinete de prensa do Consorcio Contra Incendios e de Salvamento A Coruña informa que este domingo faleceu un home de 83 anos na parroquia arzuá de Maroxo.

"Os bombeiros do parque provincial de Arzúa trasladáronse ata a parroquia de Maroxo, no concello de Arzúa, tras unha chamada ao redor das 14:25 horas do 061 para solicitar un desfibrilador para un varón duns 83 anos que entrou en parada cardiorrespiratoriA", informa.

Publicidade

Preme na imaxe para obter máis información do evento.

"Tras a súa chegada á vivenda do home, realizaron labores de reanimación, sendo practicamente imposible e certificándose a morte do varón", engade.

Publicidade

Preme na imaxe se queres contactar connosco.

Participaron no operativo o 061 de Arzúa, a Garda Civil do Pino, PAC de Arzúa e o H3.