Ecos da Comarca/Melide
A Corporación Municipal do Concello de Melide amosa o seu pesar polo falecemento de Carlos Parrado Garea, de 74 anos, e concelleiro do BNG durante o último mandato. "Transmitir o pésame a súa familia, amigos/as e compañeiros/as do BNG de Melide", indica o Concello a través das súas redes.
Parrado ademais foi un gran investigador e activista, así coma autor da obra Curuxás. O guerrilleiro que non cazou Franco.
Tal e como informa Unidade Pastoral Melide o funeral celebrarase este mércores, 15 de decembro, na igrexa parroquial de San Pedro de Melide, ás 17:15 horas, e seguidamente, daráselle sepultura no cemiterio municipal de O Castelo, en Melide. Importante: Non se recibe dó.
Comments