Esta noite durmiremos unha hora menos: cambia o horario

Ecos da Comarca/Xeral

Na madrugada deste sábado ao domingo, 29 de marzo, producirase o cambio ao horario de verán en toda España. Ás 02:00 horas da madrugada os reloxos adiántanse unha hora, polo que pasarán a marcar directamente as 03:00 horas, o que supón durmir unha hora menos esta noite.

Este axuste horario, que se realiza cada ano o último domingo de marzo en toda a Unión Europea, permitirá aproveitar mellor as horas de luz natural durante a tarde, facendo que os días parezan máis longos nas vindeiras semanas.

 PUBLICIDADE

O novo horario manterase ata o próximo cambio previsto para o 25 de outubro, cando se regresará ao horario de inverno.

A maioría dos dispositivos electrónicos, como teléfonos móbiles e ordenadores, realizan o cambio automaticamente. Con todo, recoméndase revisar os reloxos analóxicos, electrodomésticos e vehículos, que poden precisar axuste manual.

 Publicidade

Preme para obter máis información.

Especialistas lembran que este tipo de cambios pode provocar lixeira fatiga ou alteración do sono durante os primeiros días, especialmente en nenos e persoas maiores, aínda que o organismo adoita adaptarse nun curto período de tempo.

Desde as administracións recoméndase anticipar lixeiramente os horarios de descanso na véspera para facilitar a adaptación ao novo horario.