top of page

Entregados os premios do certame CarnaBares 2024 de Silleda

As persoas e grupos premiados recolleron os galardóns, con máis de 1.100 euros en total en vales para mercar nos establecementos do municipio


Laura Moure/Silleda

Este luns entregáronse no Salón de Plenos do Concello de Silleda os premios da terceira edición do certame CarnaBares 2024, organizado pola Asociación de Comerciantes de Silleda (ECOS) en colaboración co Concello de Silleda para premiar aos mellores disfraces e dinamizar a hostalería local. En total repartíronse 1.150 euros aportados pola Concellería de Promoción Económica, que dirixe Paula Fernández Pena, consistentes en

vales para consumir en establecementos comerciais e hostaleiros do municipio de Silleda.


Publicidade

Na categoría colectiva o primeiro premio foi para “Familia Adams”, cun galardón de 500 euros, e o segundo para “Oz Silleda”, con 300 euros. O terceiro recaeu no grupo “Pipi e o pequeño tío”, ás que ECOS entregou unha cesta de “Caprichos de Entroido”.



Publicidade

Na individual, gañou Enma Rozados, unha nena disfrazada de “Máquina de bolas de chicle” (250 euros); e o segundo premio recaeu en “A donde vas solita caperucita” (100 euros) e o terceiro, con outra cesta de ECOS, foi para “Manolita monitorizada”.


Na entrega participaron a alcaldesa e concelleira de Promoción Económica, Paula Fernández Pena; a concelleira de Cultura, Mónica González e as demais persoas membras do colectivo ECOS, a quen a alcaldesa agradeceu e felicitou por esta iniciativa.


Publicidade

O certame estivo aberto a toda a hostalaría de Silleda e da Bandeira (non só socios ECOS), polo que desfilaron as distintas persoas e grupos disfrazados.


0 comentarios

留言


IRS.gif
Copia de ¡TU Anuncio!.gif
Ecos_da_Comarca_neg.png
bottom of page