Dúas persoas feridas nun accidente en Silleda
Ecos da Comarca/Silleda
Esta mañá rexistrouse un accidente a poucos metros da saída da localidade de Silleda, en concreto, na N-525 dirección Santiago. Ocorreu uns minutos antes das 9:30 horas e no mesmo, segundo como informou o 112 Galicia, víronse implicados dous vehículos.
Foi Urxencias Sanitarias o que alertou ao 112 para indicarlles que había feridos. Inmediatamente, o 112 mobilizou á Garda Civil de Tráfico, á Policía Local, aos Bombeiros de Deza e ao Servizo de Mantemento de Estradas.
"Persoal de mantemento da estrada indicounos que había dúas persoas feridas que foron atendidas nas ambulancias", apunta o 112.
Comentarios