Dúas mulleres sofren lesións causadas por un touro en Silleda

Ecos da Comarca/Silleda

Esta mañá produciuse un incidente na Central Agropecuaria de Galicia de Silleda cun touro. Dúas mulleres resultaron feridas a causa dunha caída provocada por este animal.

Foto de arquivo da central.

 Publicidade/DOAZÓN PARA ECOS DA COMARCA

"Esta mañá dúas gandeiras presentes na Central Agropecuaria de Galicia achegáronse a un touro de raza Cachena con cornos de grandes dimensións que estaba na nave de vacas debidamente ubicado e amarrado no seu box. Na inspección que fan os veterinarios e a organización non detectaron nada no comportamiento do animal, pero ao achegarse as mulleres por un pasadizo ubicado entre os boxes, enganchounas cos cornos polos chaquetóns e tirounas ao chan, causándolles algunhas lesións", explican dende a central agropecuaria.

 Publicidade

Preme na imaxe para obter máis información.

Ademais, indican que as feridas foron ao centro médico polo seu propio pé, nun taxi facilitado pola Centra Agropecuaria. A unha delas, que volveu á Central na mesma mañá, indicáronlle no PAC que volverá mañana ao médico para facer unha exploración máis profunda. Á outra muller indicáronlle que debía ir ao seu hospital de referencia para que a mirasen, polo que marchou, en vehículo propio.

Publicidade

Preme para contactar con nós e pregunta polas tarifas que son unha bicoca!

"O touro, debido ao comportamento, foi eliminado do proceso de subasta para que se fixera cargo o seu propietario", indica a central.