Cruces convoca o programa ‘Concilia Nadal 2025’ para as familias que precisen nestas festas

A inscrición estará aberta do 1 ao 9 de decembro e as bases dispoñibles xa na web do Concello

Ecos da Comarca/Vila de Cruces

O Concello de Vila de Cruces convoca o programa ‘Concilia Nadal 2025’ para facilitar a conciliación da vida laboral e familiar. Ofreceranse actividades lúdico-educativas durante as vacacións de Nadal exclusivamente para o alumnado do CEIP Cerdeiriñas de Piloño e o CEIP Nosa Señora da Piedade de Cruces os días 22, 23, 24, 26, 29, 30 e 31 de decembro e o 2, 5 e 7 de xaneiro, en horario de 8:45 a 13:15 horas. As actividades desenvolveranse nas instalacións do CEIP no que curse estudos cada nena ou neno.

 Publicidade

Preme na imaxe para obter máis información.

As prazas son limitadas e a inscrición estará aberta do 1 ao 9 de decembro, ambos días incluídas. Pódense consultar as bases na web do Concello https://viladecruces.es/ onde

estará dispoñible para descarga a ficha de inscrición. Unha vez cuberta a ficha, deberá

enviarse ao correo electrónico mireya.otero@viladecruces.es . As inscricións serán

aceptadas por orde de chegada.

Publicidade

Preme para contactar con nós e pregunta polas tarifas que son unha bicoca!

O prezo é de 35 euros por participante. Para confirmar a praza será imprescindible ter

feito o pagamento antes do 15 de decembro co envío do correspondente xustificante de

pago ao mail mireya.otero@viladecruces.es , previa confirmación a través de mail de

que teñen praza outorgada no programa.