Coroas de flores ao pé das árbores da Avenida do Parque de Silleda

Ecos da Comarca/Silleda

O BNG de Silleda coincidindo co Día de Defuntos colocou coroas de flores ao pé das árbores da Avenida do Parque que van ser cortadas nas obras de reforma que vai comezar en breve.

Nas coroas, poden lerse mensaxes como: "Da túa alcaldesa, que te corta", "O cemento non dá sombra", ou "Morta por mala xestión", porque o Bloque indica "que se vaian cortar árbores en bo estado de saúde ao tempo que poñen o foco na responsabilidade do goberno socialista na pésima xestión do arboredo urbano de Silleda".

Publicidade

Preme na imaxe se quere contactar connosco.

O BNG lamenta que a alcaldesa nunca se abrise a buscar unha solución consensuada co resto de forzas e mantivese esta decisión de maneira unilateral, pese a gobernar en minoría.