Controlado o incendio forestal da parroquia lalinense de Maceira

Xa afectou arredor de 80 hectáreas

Ecos da Comarca/Lalín

A Consellería do Medio Rural informou hoxe, xoves, ás 10 horas de que o incendio forestal do concello de Lalín, parroquia de Maceira, quedou controlado ás 9:13 horas de hoxe.

Motobombas onte no lugar do lume. Autor: Ecos da Comarca.

Publicidade

Preme na imaxe para obter máis información do evento.

O lume iniciouse ás 13:07 horas de onte, mércores, e segundo as últimas estimacións

provisionais afecta unha superficie de arredor de 80 hectáreas. Para a súa extinción

mobilizáronse, polo de agora, 3 técnicos, 12 axentes, 20 brigadas, 17 motobombas, 3 pas,

3 unidades técnicas de apoio, 7 helicópteros e 6 avións.

Publicidade

Preme na imaxe se queres contactar connosco.

A Consellería do Medio Rural lembra que está a disposición da cidadanía o número de

teléfono gratuíto 085, ao que deben chamar en caso de detectar algún lume forestal.

Ademais, existe un teléfono anónimo e gratuíto para denunciar calquera actividade

delituosa incendiaria da que se teña sospeita ou coñecemento: 900 815 085. Así mesmo,

toda a información actualizada sobre incendios forestais que acadan as 20 hectáreas

poderá ser consultada na conta aberta de X (antigo twitter): @incendios085.

NOTICIA RELACIONADA:

• O lume da parroquia lalinense de Maceira afecta a unha superficie de 70 hectáreas: https://www.ecosdacomarca.com/post/o-lume-da-parroquia-lalinense-de-maceira-afecta-a-unha-superficie-de-70-hect%C3%A1reas