Constituido o comité executivo das Novas Xeracións do PP da provincia de Pontevedra
O lalinense Sergio Quinteiro será o vicesecretario de medio rural e Arianna Camba, a coordinadora en Deza-Tabeirós
Ecos da Comarca/Deza
O presidente de Novas Xeracións de Pontevedra, Raúl Santamaría constituíu este luns o novo comité executivo da formación, que está integrado por 20 rapaces e rapazas de toda a provincia. Ademais do presidente, conta con 1 vicepresidente, 1 secretaria, 9 vicesecretarias e 8 coordinadores comarcais.
Raúl Santamaría amosou a súa satisfacción nesta nova etapa de NNXX. “Somos un equipo xove, un equipo formado, un equipo unido e sobre todo, somos un equipo con moitas ganas de traballar polo noso partido, polos nosos xovenes e pola nosa provincia”, indicou.
PUBLICIDADE
O comité está integrado polo presidente, Raúl Santamaría; Iago Criberio de A Estrada e
Sonia Baqueiro de Soutomaior, como vicepresidente e secretaria respectivamente. Como
vicesecretario de organización nombrouse a José Caramés de Vigo; como vicesecretario
de comunicación e redes a Óscar Cernadas de Pazos de Borbén; como vicesecretario de
mobilización e actos a Adrián Arias, de Marín; como vicesecretario de política municipal e
acción política a Juan Bayón, de Vilagarcía de Arousa.
Nesta mesma liña, nombrou como vicesecretario de medio rural a Sergio Quinteiro, de
Lalín; como vicesecretario de cultura e lingua a Rodrigo García, de A Estrada; como
vicesecretario de universidades e formación, a Cristian Domínguez, de Vigo; como
vicesecretaria de emprego e emprendemento, a Antía Aragunde, de Vilanova de Arousa;
e como vicesecretaria de acción xuvenil e asociacionismo, a Cristina García, de
Pontevedra.
PUBLICIDADE
Os coordinadores e coordinadoras comarcais son Alejandra Viña, en Vigo; Paula Regojo,
en Pontevedra; Abelardo Rodiño no Salnés; Arianna Camba, en Deza-Tabeirós; Alba
Martínez, no Baixo Miño; Sara Martínez, no Ulla-Umia; e Luis Martín, na comarca do
Morrazo.
Comentarios