Clausura do Primeiro Obradoiro de Emprego “Terras de Camba I”

Estivo organizado conxuntamente polos Concellos de Rodeiro, Dozón e Agolada

Ecos da Comarca/Deza

Onte tivo lugar na Casa da Cultura de Rodeiro a entrega de diplomas do Obradoiro de Emprego “Terras de Camba I” organizado conxuntamente polos Concellos de Rodeiro, Dozón e Agolada. "Quero agradecer especialmente ao alcalde de Agolada e ao Tenente de alcalde de Dozón pola confianza depositada no Concello de Rodeiro para a organización deste primeiro obradoiro de emprego no noso concello, Terras de Camba I  Igualmente, moito agradecido ao Xefe Territorial de Emprego da provincia de Pontevedra pola súa presenza hoxe en Rodeiro", sinalou o mandatario cambote, José Luis Camiñas.

"Un recoñecemento tamén moi grande ao equipo directivo e traballadores do noso concello e a todas as persoas implicadas ao longo deste proxecto de emprego, polo seu compromiso, dedicación e traballo constante. O máis importante é a formación do alumnado, que lles abre novas oportunidades para reincorporarse ao mercado laboral", engade.

 PUBLICIDADE

Preme na imaxe para obter máis información do evento.

En canto ás obras que se fixeron neste municipio, destaca:

• Recuperación do Camiño Real, que vai de Rodeiro a Pallota.

• Restauración de varias fontes que estaban totalmente abandonadas.

• Mellora dun palco da música, recuperando un espazo de encontro para a veciñanza.

PUBLICIDADE

Preme na imaxe se queres contactar connosco.

"Parabéns a todo o alumnado polo seu esforzo e moito éxito na súa nova etapa profesional!