Charla de Cogami en Silleda sobre a nova Lei de Apoios para persoas con discapacidade

Ecos da Comarca/Silleda

Este xoves, no salón de actos do concello de Silleda, tivo lugar a charla informativa de Cogami sobre a nova Lei de Apoios (Lei 8/2021) para falar da autonomía das persoas con discapacidade e os seus dereitos á hora de exercer a súa capacidade xurídica.

Publicidade

Preme na imaxe se queres saber máis deste evento.

Explicáronse os cambios con respecto á lei anterior e tamén se destacaron as novidades da lei vixente. Organizada por Cogami, esta sesión estivo impartida pola traballadora social Olalla Esmoris da mesma entidade. Trátase dunha das iniciativas comúns que acordaron o Concello e Cogami na última reunión mantida.

Publicidade

Preme na imaxe para contactar con nós.

A esta charla acudiron persoas usuarias do CDR Cogami-Medelo, así como persoal do departamento municipal de Benestar Social.