Catro centros educativos de Deza acollen obradoiros do programa iniciación segura á pegada dixital

Ecos da Comarca/Deza

A directora xeral de Ordenación e Innovación Educativa, Judith Fernández, participou onte nun dos sete obradoiros do programa Iniciación segura á pegada dixital que se desenvolven nas comarcas de Deza-Tabeirós, unha iniciativa coa que a Xunta reforza a formación do alumnado nun uso responsable e seguro das redes sociais. A actividade, celebrada no Instituto Manuel García da Estrada, está dirixida a estudantes de 2º, 3º e 4º de ESO e de FP Básica e é impartida por especialistas da Axencia para a Modernización Tecnolóxica (Amtega), que traballan aspectos como a identidade dixital, a privacidade e a prevención de riscos en internet.

 Publicidade

Preme para obter máis información.

Esta acción enmárcase no Plan integral de benestar dixital da Xunta, que inclúe medio cento de medidas en ámbitos como a ciberseguridade, a convivencia e os hábitos saudables.

 PUBLICIDADE

Preme na imaxe para contactar con nós!

No conxunto de Galicia participan este curso 250 centros, dos que dez pertencen á comarcas de Deza e Tabeirós Terra de Montes: tres na Estrada (Instituto Avelina Valladares, Instituto Manuel García Barros e Instituto Plurilingüe Antón Losada Diéguez), dous en Lalín (Instituto Laxeiro e Instituto Ramón Mª Aller Ulloa), un en Silleda (Centro Privado Plurilingüe María Inmaculada) e un en Vila de Cruces (Instituto Marco de Camballón).