Cati Somoza cuestiona a "desidia e desatención do bipartito co colexio tras inundarse o luns"
Ecos da Comarca/Rodeiro
A voceira do Grupo Municipal do PP de Rodeiro, Cati Somoza, volveu criticar onte “a desidia e a desatención” do goberno local coas necesidades do CPI de Rodeiro tras coñecer que o pasado luns os aseos avariados provocaron unha inundación que chegou a afectar a algunhas aulas.
PUBLICIDADE
“A situación é tan preocupante que houbo profesores que tiveron que dedicarse a achicar auga en vez de ensinar e dar clase”, resalta Cati Somoza, que lembra "que desde hai tres anos nin José Luis Camiñas nin Alberte Lamazares asumen a súa responsabilidade de realizar o mantemento básico do centro".
PUBLICIDADE
“Debido ás fugas de auga xa houbo problemas de filtracións nos falsos teitos, polo que non sabemos a que esperan para facer algo”, insistiu a voceira popular, antes de preguntarse se o goberno local “está a esperar a que ocurra unha desgraza para actuar”.
Comentarios