Ecos da Comarca/Vila de Cruces
Deixamos por aquí unha carta enviada polo Partido Popular de Vila de Cruces.
Máis de 8.000 municipios en España e 313 municipios galegos celebrarán o próximo día 28 de maio as eleccións municipais para decidir aos seus representantes durante o próximos catro anos. Somos conscientes da importancia da política e especialmente da máis próxima á xente, a política local.

Facer política local non é tarefa fácil pero si primordial e necesaria para defender os intereses de quen habita nese lugar fronte a estruturas que en ocasións afástanse do día a día dun pobo. Celebrar unhas eleccións supón achegar enerxías recargadas, presentar novos proxectos, renovar o entusiasmo e a confianza pero, especialmente, é escoitar a quen vaia a depositar a súa confianza pero con maior forza a quen non pretendan facelo.
Nas últimas eleccións locais do ano 2019 en Vila de Cruces tiñan dereito a voto 4.923 persoas con proxectos vitais e profesionais cada un deles seguramente distintos, pero cun lugar de convivencia común, Vila de Cruces. Un total de 1.391 persoas non exerceron o seu dereito ao voto recolleito na Constitución española, sendo deber da política escoitar activamente esa posición de desencanto e desconexión dunha parte da sociedade. O Partido Popular de Vila de Cruces obtivo case o 42% dos votos nas últimas eleccións, pero quen exerceu como alcalde unicamente obtivo o 26% dos votos.
Os desafíos dos próximos anos requiren unha ampla maioría para levar a cabo políticas públicas de maneira determinante e con estratéxica e planificación. O experimento de laboratorio do actual goberno danou a imaxe do noso Concello, quedando desconectado institucionalmente e cunha débil capacidade económica, resultado de actuacións partidistas, falta de experiencia e o que é máis grave en moitos casos afastadas do marco legal establecido.
Renovamos o Partido Popular de Vila de Cruces en máis do 80% co apoio dun equipo humano novo e preparados para achegar valor na sociedade cruceña, sendo fundamental a experiencia e o coñecemento do noso candidato á alcaldía.
Reciban un cordial saúdo, Candidatura do Partido Popular de Vila de Cruces
Comments