Carboeiro acolle este sábado o II Open Mosca Río Deza
A presentación do certame, con máis de 30 persoas participantes, tivo lugar onte co apoio dos Concellos de Silleda e Vila de Cruces
Laura Moure/Deza
O Coto de Pesca sen morte de Carboeiro (Silleda) acolle este sábado o II OPEN MOSCA RIO DEZA, un certame organizado polo Club de Pesca Río Deza, e que contará con 32 prazas en total, dez delas reservadas para os socios da entiadade a través dun campionato social. Entre os participantes figuran persoas de distintos puntos de Galicia e Portugal, (asistirán 2 pescadores da selección lusa, entre outros) algúns deles con participacións en mundiais de pesca á mosca.
PUBLICIDADE
A proba dispútase este sábado día 20 no coto de pesca sen morte situado no entorno do mosteiro de Carboeiro e disputarase a 4 mangas, divido en 16 tramos de pesca. Cada unha das persoas participantes pescará unha manga de 2 horas pola mañá e outras 2 pola tarde. Todas as capturas serán medidas para puntuar e devoltas ao río inmediatamente.
O certame foi presentado onte no Concello de Silleda ca presenza da alcaldesa Paula Fernández, o alcalde de Vila de Cruces, Luis Taboada, Sito Veiga, membro do clube organizador, e as concelleiras Mónica González, de Silleda, e Noemí Lois, de Vila de Cruces.
Dende os dous municipios, que colaboran co Open de Pesca ao igual que outras firmas patrocinadoras, destácase a repercursión e a posta en valor do gran patrimonio natural e histórico co que contan as dúas beiras do río Deza nesta zona.
PUBLICIDADE
Así, todas as persoas participantes serán agasalladas con produtos da gastronomía local e os 10 primeiros clasificados terán premios en metálico e material de pesca. Dende a organización, o club Río Deza agradeceu aos dous Concellos e ás firmas patrocinadoras a boa acollida do campionato, que volta ao calendario despois do grande éxito da estrea o pasado ano.
Comentarios