Buscan unha moto roubada dun garaxe de Lalín

Ecos da Comarca/Lalín

Unha moto foi roubada na madrugada do venres para o sábado na rúa das Nogueiras, na zona da Rúa da Ponte, en Lalín. O vehículo estaba nun garaxe privado. Segundo a información facilitada polo dono, o roubo produciuse arredor das 04:00 horas.

 PUBLICIDADE

Preme na imaxe para obter máis información deste evento.

Segundo os testemuños recollidos, nese momento foron vistos dous varóns na zona. Un deles sería de baixa estatura e levaría gorra e sudadeira branca, mentres que o segundo, de complexión delgada, vestiría aparentemente unha sudadeira con capucha e pantalóns curtos negros.

 PUBLICIDADE

Preme na imaxe para obter máis información do evento.

A última información dispoñible sitúa a un dos individuos subindo coa motocicleta pola rúa que ascende na zona de Mobles Lalín.

O propietario solicita a colaboración da cidadanía para tratar de localizar a moto ou obter calquera información que poida axudar a esclarecer o sucedido. Calquera persoa que vise algún movemento sospeitoso naquela madrugada, teña información sobre os posibles autores ou localice unha motocicleta que poida coincidir coa roubada pode poñerse en contacto a través do número 639 40 01 07.

 PUBLICIDADE

Preme na imaxe se queres contactar connosco.

Agradece de antemán calquera axuda e piden compartir a publicación para facilitar a localización da motocicleta e dos responsables do roubo