UCIN Galicia: “Queremos recuperar o tempo perdido e devolver a vida ás nosas aldeas”

Ecos da Comarca/Xeral

Unión de Cidadáns Independentes (UCIN) Galicia anuncia o seu firme compromiso coa recuperación das aldeas galegas e coa revitalización do medio rural, co obxectivo de ofrecer novas oportunidades ás familias e frear o despoboamento que ameaza a identidade e o futuro da nosa terra.

O coordinador de UCIN Galicia, José Luis Calo, salientou que é urxente un cambio de

rumbo nas políticas actuais: “Queremos recuperar o tempo perdido coas nosas aldeas e volver darlles vida, que as familias se queden e regresen ao lugar onde naceron. Galicia

non pode resignarse a ver como se baleira o seu territorio mentres as institucións permanecen inmóbiles”.

Novas políticas para un futuro en común

UCIN Galicia defende a posta en marcha de novas políticas de apoio ao rural, baseadas en:

• Incentivos á repoboación e á fixación de familias nas aldeas.

• Mellora das infraestruturas e dos servizos públicos esenciais (sanidade, educación,

transporte).

Publicidade

Preme na imaxe para obter máis información do evento.

• Impulso á economía local con apoio a autónomos, pemes e cooperativas rurais.

• Protección do patrimonio cultural e natural galego como valor diferencial.

Superar o bipartidismo

O partido tamén sinala a necesidade de superar o modelo político que marcou as últimas

décadas en Galicia: “Debemos deixar atrás o entramado político creado polo bipartidismo.

Galicia precisa proxectos novos, próximos e valentes, que escoiten á xente e traballen de verdade polas súas necesidades, non por intereses de partido”, remarcou Calo.

Unha Galicia que volva ser o que foi

Desde UCIN Galicia insístese en que o reto non é só económico, senón tamén social e cultural: recuperar a esencia das aldeas galegas como espazos de vida, comunidade e

oportunidades. “É o momento de volver ser o que fomos: unha terra con futuro, onde as novas xeracións atopen motivos para quedar e construír a súa vida aquí. Galicia non pode perder máis tempo”, concluíu o coordinador.