Belén do Campo e o alcalde do Pino avanzan nas vías de colaboración entre ambas administracións

Ecos da Comarca/O Pino

A delegada da Xunta, Belén do Campo, mantivo este mércores un encontro de traballo co alcalde do Pino, Manuel Taboada. A delegada e o rexedor abordaron actuacións en materia de transporte de interese para este municipio. Concretamente, o alcalde informoulle da creación dunha nova parada de autobús para dar servizo aos veciños de Santiso e Castrofeito na zona das N-634 e N-547, en ambas direccións, para substituír ás paradas anteriores eliminadas pola construción da nova autovía.

A delegada trasladoulle o compromiso de acelerar todos os trámites para a creación desta parada, xa que xa contan coa autorización do titular das dúas estradas mencionadas anteriormente. Neste senso, recalcou que a Xunta asumirá o custe da instalación desta nova parada do transporte metropolitano.

Publicidade

Preme na imaxe para obter máis información do evento.

No encontro tamén  tiveron ocasión de analizar outras necesidades deste concello e estudiaron posibles vías de cooperación conxunta de cara ao futuro.

Publicidade

Preme na imaxe se queres contactar connosco.

Belén do Campo destacou a importancia de manter un diálogo continuo cos representantes das administracións locais e de coñecer de primeira man as súas necesidades para, desta forma, acertar cos proxectos que vaian en beneficio dos cidadáns.