As poxas da central agropecuaria de Silleda non se celebrarán mañá debido a un ataque informático á Fundación Semana Verde

Ecos da Comarca/Silleda

A Fundación Semana Verde de Galicia vese obrigada a suspender as poxas de mañá, martes 24 de xuño, na Central Agropecuaria de Galicia ABANCA.

Publicidade

Preme na imaxe para obter máis información do evento.

O motivo é un ataque informático sufrido pola fundación nas últimas horas, cuxas consecuencias non fan posible comezar o proceso que conleva este mercado, o cal se pon en marcha os luns ás 17.00 horas. Se ben se intentou solventar a situación para poder levar a cabo a sesión de mañá, non foi posible dada a premura coa que debe iniciarse todo o proceso da Central.

Publicidade

Preme na imaxe se queres contactar connosco.

O persoal da Central está informando xa desta suspensión a todos os operadores que participan semanalmente no mercado.