Arden por completo un alpendre e un comedor anexos a un bar en Abegondo

Ecos da Comarca/Xeral

Arden por completo un alpendre e un comedor anexos a un bar en Abegondo. O 112 Galicia recibiu o aviso minutos despois das 5:30 horas, cando un particular informou de que ardía un alpendre situado xunto a un establecemento hostaleiro á altura do quilómetro 10 da AC-221, no lugar de Orto.

 PUBLICIDADE

Preme na imaxe para obter máis información do evento.

Ningunha persoa resultou afectada. De inmediato, desde o Centro Integrado de Atención ás Emerxencias solicitouse a intervención dos Bombeiros de Betanzos e da Garda Civil.

PUBLICIDADE

Preme na imaxe se queres contactar connosco.

Os efectivos chegaron con rapidez ao momento e conseguiron controlar o incendio, que calcinou o anexo no que se atopaban a grella e un comedor. As chamas destruíron por completo o mobiliario e a estrutura desta zona. Pouco despois das 7 horas, o lume quedou completamente extinguido.