Arde un inmoble en Agolada

Ecos da Comarca/Xeral

Este sábado pola noite orixinouse un incendio nun inmoble de Agolada. O 112 Galicia foi alertado ás 22:44 horas.

"Chamounos un particular indicándonos que saía fume dun caseto e que se escoitaban pequenas explosións", indica o 112 Galicia.

Ata o lugar desprazáronse Protección Civil de Agolada coa motobomba, que foron os pirimeiros en chegar, os Bombeiros de Deza, o GES de Lalín e a Garda Civil.

Publicidade

Preme na imaxe para obter máis información do evento.

O incendio de onte. Foto: Cedida

Trátase dun inmoble situado na Avenida Joaquín Loriga do casco urbano agoladés.

Publicidade

Preme na imaxe se queres contactar connosco.

"Arderon catro bombonas de butano, libros, carne que estaba alí afumada e outros enseres. Non houbo que lamentar danos persoais", sinala o 112 Galicia.