Aprobado o convenio para mellorar a seguridade viaria na estrada de Botos a Gresande, en Lalín

Ecos da Comarca/Lalín

O Concello de Lalín informa que segundo anunciou o presidente provincial Luis López, a Deputación Pontevedra e o propio Concello aprobaron o proxecto de mellora de mobilidade peonil na EP-6001 Lalín-Botos-Gresande. A actuación conta cun orzamento total de 537.000 euros, cofinanciado ao 80% pola institución provincial e ao 20% polo Concello.

 PUBLICIDADE

Preme na imaxe para obter máis información deste evento.

Trátase dun proxecto importante para reforzar a seguridade dos veciños e veciñas das parroquias e dos peregrinos que percorren a Vía da Prata, tal e como recalca o goberno local.

Principais actuacións técnicas:

• Nova senda peonil: construción dunha senda de formigón coloreado cun ancho mínimo de 2,5 metros pola marxe dereita.

•  Mellora da calzada: renovación integral do firme e reparación de danos puntuais na sinalización.

 PUBLICIDADE

Contacta con nós!

•   Servizos soterrados: instalación dunha nova rede de drenaxe de augas pluviais e sistema de iluminación soterrado con novas luminarias.

•  Contorna coidada: substitución das árbores nos alcorques existentes.