Aparece a furgoneta da empresa de Melide que foi roubada na Coruña

Ecos da Comarca/Melide

Onte alertabamos do roubo dunha furgoneta dunha empresa de Melide. Esta estaba estacionada na cidade da Coruña. Hoxe alégranos informar de que apareceu esta mañá.

Preme na imaxe para obter máis información do evento.

O vehículo fora aparcado en Monte Alto o venres sobre as oito da tarde. E onte, domingo, foi cando se decataron de que non estaba no lugar. Polo que se alertou de seu roubo a través das redes sociais.

Preme na imaxe para obter máis información do evento.

"Foi roubada na Coruña na zona de Monte Alto e apareceu sen o que tiña dentro noutra calle cercana a Monte Alto, hoxe pola mañá", informounos a media mañá o afectado.

Preme na imaxe se queres contactar connosco.

"Mil gracias a todos, só temos palabras de agradecemento polas miles de comparticións que fixestes todos. Gracias á cidadanía apareceu. Mil gracias", sinala a empresa melidense a través do seu Facebook.

NOTICIA RELACIONADA:

• Anuncio do roubo da furgoneta: https://www.ecosdacomarca.com/post/unha-furgoneta-dunha-empresa-de-melide-foi-roubada-na-coru%C3%B1a