Adxudican as obras de mellora no vial de Ligonde, en Monterroso, cun investimento de 170.000 euros
Laura Moure/Monterroso
A Xunta de Goberno da Deputación de Lugo aprobou este venres dedicar medio millón de euros para continuar mellorando a mobilidade na provincia, tanto en estradas provinciais, como municipais. Así o anunciou a voceira socialista do Goberno, Pilar García Porto, quen detallou os acordos adoptados na reunión desta semana. E entre estas decisións figura a adxudicación dunha destas actuacións no municipio de Monterroso.
Así a Xunta de Goberno aprobou a adxudicación de obras de mellora na estrada de Ligonde, en Monterroso, cun investimento de 170.000 euros. As tarefas na LU-P-3305 afectan ao treito que vai do quilómetro 5,3 ao 8,9, e contemplan a limpeza de laterais e obras de drenaxe, a pavimentación con aglomerado en quente e a sinalización mediante marcas viais reflexivas brancas.
O prazo de execución é tamén de 2 meses. Esta obra completa á que a Deputación executou recentemente no tramo anterior a este, entre os quilómetros 4 e 5,3 cun investimento de 83.000 euros.
NOTICIA RELACIONADAS:
Mellora desta estrada: https://www.ecosdacomarca.com/post/a-deputaci%C3%B3n-mellorar%C3%A1-a-estrada-de-ligonde-en-monterroso-cun-investimento-de-preto-de-200-000
Anuncio desta mellora: https://www.ecosdacomarca.com/post/a-deputaci%C3%B3n-de-lugo-mellorar%C3%A1-a-estrada-que-conecta-sastrexas-con-ligonde-en-monterroso
