Accidente entre un tractor e un turismo en Ferreiros, no Pino
Ecos da Comarca/O Pino
Uns minutos antes das 14:30 horas deste sábado rexistrouse un accidente na parroquia de Ferreiros, no municipio do Pino. Tal e como indica o 112 Galicia, que foi informado por Urxencias Sanitarias de Galicia, no mesmo víronse involucrados un turismo e un tractor.
O suceso tivo lugar na parroquia de Ferreiros, na estrada que vai de Ramil a Ferreiros, á altura de San Mamede, na N-547, puntualiza o 112. "Indicáronos que unha das persoas implicadas no accidente tiña dor no peito", sinala.
Tras recibir o aviso, o 112 pasou alerta á Garda Civil de Tráfico e informou aos Bombeiros de Arzúa.
