O secretario xeral lembrou que os Polos activos son xa 12 en toda Galicia, tras a inauguración do centro do Porriño o pasado luns, e que a actividade dos da provincia coruñesa supón un terzo do total
Ecos da Comarca/Melide
O secretario xeral de Apoio ao Emprego, Traballo Autónomo e EconomÃa Social, Pablo Fernández, participou esta mañá na inauguración do proxecto Impulsa. Fomentando o emprendemento, que suporá que unha decena de persoas atendidas pola Rede de polos de emprendemento e apoio ao emprego vaian dar a coñecer os seus produtos no Coruña The Style Outlets de Culleredo. O secretario xeral agradeceu a iniciativa, recalcando que tan só na provincia da Coruña xa se ten prestado asesoramento a máis de 300 persoas con máis dun milleiro de sesións de titorización, o que supón un terzo do acadado no conxunto da Rede.
ReferÃase asà o secretario xeral á actividade dos Polos de Ferrol, Coristanco e Melide, que forman parte dunha rede na que xa son 12 os centros activos, tras o inaugurado o pasado luns no Porriño. O obxectivo, segundo Pablo Fernández, é prestar apoio técnico ás persoas emprendedoras en calquera fase na que se atopen os seus proxectos, para garantir o seu éxito na contorna onde queiran establecerse.
Publicidade
Nese senso, o representante autonómico sinalou que a Rede ten especial presenza no rural, co gallo de xerar riqueza pegada ao territorio que contribúa á fixación de poboación. AsÃ, cabe apuntar que -despois dos relativos ao comercio- destacan entre os proxectos asesorados os que teñen que ver coa agricultura, a ganderÃa ou a pesca, tras os que se sitúan os servizos ou a hostalarÃa.
Publicidade
Cómpre engadir que as dez persoas emprendedoras participantes no proxecto presentado hoxe pertencen ás catro provincias e destacan polos seus produtos artesáns téxtiles, gastronómicos ou relacionados cos complementos.
