A Xunta invertirá nos obradoiros de emprego de Rodeiro, Dozón, Agolada e Lalín

Ecos da Comarca/Deza

O delegado territorial da Xunta en Pontevedra, Agustín Reguera, ofreceu este martes unha rolda de prensa no edificio administrativo da Xunta na que informou sobre a nova convocatoria dos obradoiros duais de emprego que a Xunta vén de resolver.

Neste sentido, o delegado destacou os 24 obradoiros duais que se levarán a cabo na

provincia de Pontevedra e que permitirán formar a preto de 480 persoas desempregadas.

Reguera numerou os distintos concellos que se beneficiarán desta iniciativa da Consellería

de Emprego, Comercio e Emigración na área territorial de Pontevedra, sendo Marín e Poio

na área de influencia do concello de Pontevedra; a Mancomunidade do Salnés, Vilagarcía

de Arousa, Cambados e Vilanova de Arousa na comarca do Salnés; Tui e A Guarda no

Baixo Miño; Rodeiro (en colaboración con Dozón e Agolada), A Estrada e Lalín na

comarca do Deza-Tabeirós; Caldas de Reis e Moraña (xunto a Valga e Portas) na comarca

de Caldas; e Ponteareas na comarca do Condado-Paradanta.

 PUBLICIDADE

Se queres obter máis información do evento preme na imaxe.

Cabe destacar que cada un destes obradoiros formará a 20 persoas desempregadas que

se repartirán en dúas especialidades distintas. A Xunta de Galicia destina un total de máis

de 454.000 euros para cada un destes obradoiros que contarán cunha duración de 9

meses, o que supón un investimento total de case 11 millóns de euros para toda a

provincia.

 PUBLICIDADE

Preme para obter máis información.

Reguera lembrou que estes obradoiros van moito máis aló da formación teórica e destacou

que todos os participantes realizarán un traballo efectivo que reverterá a favor do seu

concello.