A Xunta destaca en Silleda o potencial do rural de Galicia para o emprendemento ligado ao territorio

Laura Moure/Silleda

A secretaria xeral de Emprego e Relacións Laborais, Susana Pérez Iglesias, acompañada pola directora xeral de Traballo Autónomo e Economía Social, Marta Vázquez Guzmán, e o delegado da Xunta en Pontevedra, Pablo Fernández, visitaron onte El Palomar, espazo da Fundación Roberto Rivas a prol da innovación e a dinamización das contornas rurais.

Alí puxo de relevo o potencial de Galicia como terra de oportunidades para emprender tal e como reflicten os proxectos atendidos nas 15 oficinas da Rede de polos de emprendemento e apoio ao emprego.

. PUBLICIDADE

Preme na imaxe para obter máis información.

Neste campo, salientou especialmente o valor do rural para impulsar proxectos como, por exemplo, os que forman parte de iniciativas de coliving como Anceu, (Ponte Caldelas), Sende (Lobeira, Ourense) e iSlow, Laxe (A Coruña). Tamén destacou a rede de colaboración público-privada Ultreia, á que onte se adheriu El Palomar e que ten como fin compartir recursos e xerar sinerxías no ecosistema emprendedor galego.

 PUBLICIDADE

Preme na imaxe para contactar connosco.

Este proxecto parte da rehabilitación dunha antiga casa de labranza, que conserva os elementos construtivos orixinais e incorpora solucións de alta eficiencia enerxética. Neste sentido, Susana Pérez Iglesias definiu este espazo como un nodo de conexión co territorio, o tecido empresarial e a sociedade.