A Xunta anima aos gandeiros a levar os seus animais á feira do martes a Silleda

Garante o normal funcionamento da poxa da recría neste mercado

Ecos da Comarca/Silleda

O conselleiro de Presidencia, Xustiza e Deportes, Diego Calvo, visitou estes días o recinto feiral de Silleda e, en concreto, a nave onde ten lugar a poxa semanal de terneiros de recría. Alí comprobou o funcionamento do novo sistema dixital de traballo implantado pola dirección da Feira e confirmou o seu apoio á implantación desta nova tecnoloxía porque axiliza o traballo e garante o correcto acceso á información tanto aos vendedores coma aos compradores.

Publicidade

Preme na imaxe para obter máis información do evento.

Tras revisar as instalacións e os espazos onde os animais agardan polo remate do mercado e falar sobre posibles melloras cos responsables da súa organización, quixo transmitir unha mensaxe de tranquilidade ao sector, tanto no que respecta aos compradores coma aos gandeiros e mesmo aos transportistas, no senso de que a poxa do próximo martes se vai celebrar con total normalidade. Por iso, animou os criadores a levar os seus animais ao mercado semanal, onde haberá compradores para os seus animais e onde poderán conseguir os mellores prezos.

Publicidade

Preme na imaxe se queres contactar connosco.

“Esta semana mantivemos unha reunión co grupo de compradores críticos co novo sistema de traballo en Silleda, e presentaron á Xunta unha serie de melloras na feira que nós, por suposto, imos estudar e implantar na medida das nosas posibilidades”, asegurou o conselleiro.