A Torre-Tulla de Fafián de Rodeiro xa é un Ben de Interese Cultural!

Laura Moure/Rodeiro

A Dirección Xeral do Patrimonio Cultural acordou a inscrición no Rexistro de Bens de Interese Cultural (BIC) da denominada Torre-tulla de Fafián, localizada no lugar do Outeiro, na parroquia de Santiago de Fafián, no concello de Rodeiro, tal e como se publica hoxe no Diario Oficial de Galicia (DOGA). https://www.xunta.gal/dog/Publicados/2025/20250519/AnuncioG0766-120525-0001_gl.html

A Tulla de Fafián. (Foto: Facebook do perfil A Tulla de Fafián)

"A documentación achegada polo Concello de Rodeiro e a existente na Dirección Xeral do Patrimonio Cultural acreditan a condición da Torre-tulla de Fafián como un elemento propio da arquitectura defensiva construída antes de 1849, e mantén, actualmente, as suficientes condicións de integridade e autenticidade para xustificalo. Por outra banda, o artigo 23 da LPCG establece que os bens declarados de interese cultural inscribiranse no Rexistro de Bens de Interese Cultural de Galicia, cuxa xestión lle corresponde á Consellería competente en materia de patrimonio cultural. Así mesmo, a disposición adicional quinta da LPCG referida aos bens declarados de interese cultural ou catalogados en virtude da lei, establece que: «[...] a consellería competente en materia de patrimonio cultural identificará e concretará a través do correspondente expediente os bens declarados de interese cultural ou catalogados en virtude desta lei».

Publicidade

Preme na imaxe para obter máis información do evento.

Contra esta resolución, que non pon fin á vía administrativa, poderase interpoñer recurso de alzada ante a persoa titular da Secretaría Xeral da Consellería de Cultura, Lingua e Xuventude, no prazo dun (1) mes, contado desde o día seguinte ao da notificación.

Publicidade

Preme na imaxe se queres contactar connosco.

"Isto trátase dun logro da Concellería de Patrimonio dirixida por Xulia Dacal. Rodeiro xa conta cun novo BIC. Hoxe no DOG aparece a resolución que a fai efectiva. Desta maneira, executase un novo logro en Patrimonio, nunha área xestionada por Xulia Dacal. Esta é a primeira gran proposta nesta área de goberno aínda que o paso definitivo ten que ser adquirila por parte da administración local", recalca o tenente de alcalde, Alberte Lamazares.