A Policía Local de Melide busca a un condutor que proseguiu a marcha tras un atropelo

Os afectados son unha menor e a súa avoa

Ecos da Comarca/Melide

Os axentes da Policía Local de Melide tratan de localizar a un condutor que proseguiu a marcha tras alcanzar co seu vehículo a unha muller e unha menor, tal e como informa o 112 Galicia.

Por fortuna, as persoas están ben,aínda que foron trasladadas ao centro de saúde da localidade para someterse a un recoñecemento médico.

Publicidade

Preme na imaxe para obter máis información!

Segundo a información recollida no 112 Galicia, este suceso produciuse sobre as 8:30 horas na Rúa da Martagona, na confluencia coa Rúa Cuba. Alí acudiron os profesionais de Urxencias Sanitarias de Galicia-061, así como os axentes municipais e os voluntarios de Protección Civil.

Publicidade

Preme na imaxe se queres contactar connosco.

Finalmente, a nena estaba ben, mentres que a señora, a súa avoa, lesionouse nun xeonllo.