A Garda Civil detén a un veciño de Silleda como presunto autor de tres agresións sexuais

Ecos da Comarca/Silleda

A Garda Civil do Posto Principal de Milladoiro-Ames (A Coruña), no marco da operación “MILLASTALKER”, procedeu á detención dun home de 45 anos, veciño da localidade de Silleda , como suposto autor de tres delitos de agresión sexual cometidos o mesmo día no núcleo urbano de Milladoiro.

A investigación iniciouse o pasado mes de maio por mor dunha denuncia presentada por unha das vítimas, quen foi abordada de forma sorpresiva e intimidatoria no portal da súa vivenda polo agora detido co fin de índole sexual. A vítima logrou zafarse do agresor e fuxir do lugar para solicitar auxilio e poñerse a resgardo. Froito das primeiras indagacións e da descrición física achegada, a Garda Civil puido determinar que o agresor repetiría este mesmo patrón delituoso no municipio ese mesmo día en, polo menos, outras dúas ocasións máis.

En todos os casos, o autor aproveitaba situacións de baixa visibilidade na vía pública e a total falta de vinculación previa coas mozas. Tras unha exhaustiva análise das contornas onde se cometeron os feitos, logrando situar a un home que coincidía plenamente co perfil descrito. A pesar da dificultade inicial para a súa identificación, o desenvolvemento das pescudas policiais permitiu pescudar que o sospeitoso se desprazara expresamente desde outra provincia galega para cometer as agresións, regresando ao seu domicilio inmediatamente despois.

 PUBLICIDADE

Preme para obter máis información.

A operación culminou coa localización e detención do implicado no concello de Silleda ao que se lle imputan formalmente tres delitos de agresión sexual. A Garda Civil remitiu os datos e o modus operandi acreditados nesta actuación ao resto de Forzas e Corpos de Seguridade do Estado, co obxectivo de cruzar información e colaborar de forma activa no esclarecemento doutros posibles feitos delituosos de idéntica natureza que puidesen quedar rexistrados no territorio nacional.

 PUBLICIDADE

Preme na imaxe e contacta con nós!

As dilixencias instruídas foron postas ao dispor do Xulgado de Instrución de Garda dos de Santiago de Compostela.