A Garda Civil desarticula unha banda especializada en roubos a comercios en Galicia

Esclarecéronse 51 roubos con forza en establecementos comerciais

Ecos da Comarca/Xeral

A Garda Civil finalizou unha investigación de case un ano, denominada Operación BLUEHAMMER, desarticulando unha parella criminal responsable dunha ola de 51 roubos con forza en establecementos comerciais de nove municipios das provincias da Coruña e Pontevedra. As localidades afectadas inclúen Ames, Teo, Brión, Santiago, Noia, Padrón, A Estrada, Valga e Barro. Os detidos, veciños de Santiago de Compostela, actuaron entre maio de 2024 e xaneiro de 2025, xerando gran alarma social no comercio local galego.

Publicidade

Preme na imaxe para obter máis información do evento.

A investigación, levada a cabo polo Equipo ROCA de Santiago en colaboración coa área de Investigación de Milladoiro-Ames e baixo a coordinación do Xulgado de Instrución nº 2 de Ordes, iniciouse na primavera de 2024 ante un incremento de roubos violentos en Ordes e Sigüeiro. Os asaltantes seguían un patrón similar: fracturaban cristaleiras e accesos con tapas de sumidoiro ou martelos, subtraían a caixa rexistradora e fuxían rapidamente nun turismo azul.

O 11 de decembro de 2024, tras semanas de seguimento, a parella foi detida in fraganti despois de asaltar unha estación de servizo en As Casillas (Ordes). Con todo, os indicios apuntaban a un maior número de feitos delituosos.

Roubo na tenda da gasolineria cando foron pillados. Fonte: Garda Civil.

Nunha segunda fase, a Operación BLUEHAMMER-ASUBIOS, os investigadores recompilaron probas contundentes que permitiron situar aos sospeitosos na escena dos delitos, coincidindo con datas e horas dos asaltos.

Publicidade

Preme na imaxe se queres contactar connosco.

As probas complementáronse coa análise de imaxes de cámaras de seguridade, que mostraban un mesmo vehículo e elementos recorrentes na vestimenta dos autores, como unhas zapatillas brancas de marca.

O modus operandi era sempre o mesmo: un executaba o roubo mentres o outro realizaba funcións de apoio loxístico e vixilancia. Como resultado desta operación, un dos implicados permanece en prisión desde xaneiro deste ano, cumprindo condena por feitos similares. O seu cómplice foi formalmente imputada como coautora de todos os roubos investigados.

Coa conclusión da Operación BLUEHAMMER, a Garda Civil dá un paso crucial para frear a delincuencia que afectaba directamente ao pequeno comercio na contorna rural e periurbano galego, reafirmando o seu compromiso coa seguridade cidadá.