A Fundación Neira Vilas de Vila de Cruces, recoñecida cos Premios Alecrín

Laura Moure/Vila de Cruces

O presidente da Deputación de Pontevedra, Luis López, destacou este mércores durante o acto de entrega dos Premios Alecrín, outorgados pola Federación de Entidades Culturais Galegas en Cataluña (Fegalcat) e celebrados na Azucreira de Portas, a “defensa dunha provincia extraordinaria como é Pontevedra” e que só é posible “pola xente que a vive mesmo sen vivir fisicamente nela, pero si en espírito, como facedes vós”, demostrando desde Cataluña “por que a emigración e Galicia son dúas ideas que conviven en tan perfecta harmonía”, sinalou o presidente.

“Vós levades o sentidiño a Cataluña e traedes algo de seny a Galicia”, asegurou Luis López, que engadiu que “os galegos demostramos que as identidades non son excluíntes: pódense sumar e, así, somos galegos, españois, europeos e temos moito que ver con Hispanoamérica”.

 PUBLICIDADE

Preme na imaxe para obter máis información deste evento.

Durante o acto o presidente entregou o galardón no eido da programación musical a Joaquín Martínez Silva (Kin), director de Esmerarte Industrias Creativas. Luis López puxo en valor as figuras da provincia que foron recoñecidas: a Fundación Xosé Neira Vilas de Gres, Vila de Cruces; o presidente da Federación Española do Fútbol, Rafael Louzán, a Fundación Manolo Paz, o actor Carlos Blanco, o mestre campaneiro José Enrique López Ocampo, o CEO de BIRDMIND, David Camba, a Banda de Música de Lantaño, o Grupo de Gaitas Domingo Fontán e Esmerarte, que o presidente da Deputación lembrou que é “a empresa encargada das pezas audiovisuais para a promoción turística da provincia”. Luis López destacou entre elas a campaña de 2025, Cando volves?, un lema que “seguro que moitos de vós escoitastes algunha vez dalgún ser querido”.

 PUBLICIDADE

Preme na imaxe para obter máis información deste evento.

O presidente asegurou que “todos eles son unha mostra do enorme patrimonio cultural que atesouramos na provincia, e que na Deputación custodiamos, difundimos e promovemos”.

 PUBLICIDADE

Preme na imaxe para contactar connosco.

Luis López tamén recoñeceu o labor de Fegalcat por “fomentar a nosa cultura alén das nosas fronteiras” e tamén por “abrir as portas á cidadanía catalá a que coñeza, comparta e namore dos elementos que conforman a identidade dos galegos”.