A DXT inicia hoxe en Galicia unha campaña especial de vixilancia de camións e autobuses

Os controis realizaranse ata o domingo 15 e prestarán especial atención ás condicións técnicas do vehículo, a velocidade ou o tempo de descanso na condución

Ecos da Comarca/Xeral

A Delegación do Goberno en Galicia informa que a Dirección Xeral de Tráfico levará a cabo desde hoxe, luns, ata o domingo, 15 unha nova campaña de vixilancia e control de tráfico centrada na supervisión de camións e autobuses. A campaña, que tamén contará co apoio das diferentes xefaturas provinciais de tráfico, propón como estratexia fundamental a “tolerancia cero cos comportamentos de risco” vixiando para iso as causas concorrentes máis habituais na sinistralidade como poden ser as distraccións, a velocidade e o consumo de alcol ou outras drogas.

Durante esta semana semana os e as axentes da Agrupación de Tráfico da Garda Civil intensificarán os labores de inspección dos vehículos destinados ao transporte de mercadorías e pasaxeiros prestándolle especial atención á documentación do vehículo, á súa correcta habilitación e inspección (pneumáticos, peso, acondicionamento da carga e uso adecuado da iluminación), revisando os tempos estipulados de condución e descanso, así como os excesos de velocidade e o consumo de alcol ou drogas.

 Publicidade

Preme na imaxe para obter máis información do evento.

Esta campaña ten unha especial incidencia en Galicia onde, segundo os datos de febreiro deste ano do Ministerio de Transportes e Movilidad Sostible, operan máis de 15.800 empresas de transporte de mercadorías e de autobuses (en liñas regulares e non regulares).

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

No que respecta a a sinistralidade, e a falta de pechar os datos de 2025, desde 2020 Galicia suma tres falecidos en camións inferiores a 3.500 kg. e 8 falecidos en camións de máis de 3.500 kg. En autobuses rexistráronse 7 persoas falecidas nun accidente de autobús producido na provincia de Pontevedra no ano 2022.

Publicidade

Preme para contactar con nós e pregunta polas tarifas que son unha bicoca!

Datos da campaña anterior

A anterior campaña especial de vixilancia e control de tráfico centrada neste tipo de vehículos celebrouse en febreiro de 2025. Nela, a Garda Civil controlou a un total de 4.072 camións e 206 autobuses nos controis establecidos en Galicia. Foron denunciados 682 camións e 32 autobuses. As denuncias máis frecuentes foron por erros na documentación do vehículos, problemas no chasis e accesorios e exceso de peso.