A Asociación Gandeiras e Gandeiros Galegos solicita explicacións á Xunta tras a disolución de Impulsa

Ecos da Comarca/Deza

"Tras o sucedido coa disolución do Proxecto IMPULSA, o cal foi presentado por Alfonso Rueda cun presuposto de 5 millóns de euros, como un éxito de xestión", a Asociación Gandeiras e Gandeiros reclama "unha comparecencia inmediata para amosar o sucedido, xa que a Xunta de Galicia ten un 40% de participación e ten que amosar moita información que aclare esta nube negra que se cerne sobre esta disolución tan inminente, que non seu día foi unha aposta de primer nivel, como foi o plan impulsa, contando con actores do calado de ABANCA, SOGAMA NATURGY, GADIS, REGANOSA, SONATRCH".

Publicidade

Preme na imaxe para obter máis información.

"Un proxecto o cal foi presentado a sociedade como proxecto estrela, e que dende Gandeiras e Gandeiros Galegos, levamos dicindo que era un fraude, e un erro de caldo que causaría perdida e abandono no medio rural, o cal alentaba outro fraude como as plantas de biogás, como a instalación da planta de celulosa Altri en Palas de Rei a cal vai en consonancia e deixa en evidencia o goberno de Alfonso Rueda o cal se viu nas múltiples manifestacións as que acudimos dende Gandeiras e Gandeiros", recalca o colectivo.

Publicidade

Preme na imaxe se queres contactar connosco.

Dende a dirección da mesma subliñan que "causamos a oposición directa o modelo de xestión que se leva acabo dende fai anos por parte da Consellería de Medio Rural e en consonancia coa conselleira de Medioambiente a cal está a causar unha perda de familias no sector gandeiro sen precedentes nos rexistros de explotacións gandeiras, que só facilitan o abandono do rural e coa última declaración de zonas vulnerables e o traballo todo sen facer de estudos como así se aprecia de José Balseiros, polo que solicitamos xa en varias ocasións ,a inminente substitución de José Balseiros Guinarte e Ánxeles Vázquez, por ser os máximos responsables de tal problema".