A Asociación dos GES de Galicia esixe unhas condicións laborais dignas

Ecos da Comarca/Xeral

A Asociación de Grupos de Emerxencia Supramunicipais de Galicia esixe unhas condicións laborarias dignas para os traballadores e traballadoras deste servizo destacando que os GES son o único servizo de Galicia competente na intervención dos incendios forestais e urbáns no rural galego, e non só nas súas zonas de cobertura ordinaria, senón con mobilidade en toda a comunidade autónoma.

O GES de Monterroso.

COMUNICADO ÍNTEGRO

"Os GES son o único servizo de Galicia competente na intervención dos incendios forestais e urbáns no rural galego, e non só nas súas zonas de cobertura ordinaria, senón con mobilidade en toda a comunidade autónoma. Foron creados no 2013 e hoxe en día continúan funcionando gracias a un convenio de financiamento entre a Xunta, Deputacións e Concellos.

Dende o seu inicio, as distintas administracións rexeitaron recoñecer a este persoal como bombeiros, a pesares das funcións que lles encomendan. Iso implica que o persoal é maltratado con falta de EPIs e equipos de traballo, procedementos de traballo, plans de prevención de riscos, categoría e remuneración profesional (ata o punto de nóminas que apenas chegan ó SM), coeficiente de redución de idade de xubilación, recoñecemento de enfermidade profesionais... E un largo etc.

A todo isto, hai que sumar a precariedade do persoal, que a pesares de demostrar a súa relación laboral fixa coa Administración nos xulgados, nalgúns casos viron desaparecer o seu servizo por vontade políticas, deixando zonas rurais sen atención (A Fonsagrada, Becerreá, Valga, Guitiriz, Cervo) e desperdiciando medios materiais que custaron inversións faraónicas e persoal formado e con experiencia en emerxencias, en tarefas municipais como a limpeza ou baldeo de rúas, facendo un uso máis que cuestionable da agua e dos vehículos de extincións que pagamos todos para a loita contraincendios.

Estes días vemos o presidente da comunidade pidindo persoal e motobombas ao goberno estatal. Cantas destas motobombas tan necesarias están a usarse por peóns dos Concellos como material de limpeza? Cantas están pudríndose en almacéns ou garaxes dos Concellos, sen persoal para o seu uso acordado? Onde está a protección dos servizos e persoal destes grupos de emerxencias, grupos supostamente permanentes, que cando demandan os seus dereitos son despedidos ou reubicados polos alcaldes de turno?

 Publicidade

Preme na imaxe para obter máis información.

Estes días a ministra de Transición Ecolóxica e Reto Demográfico, Sara Aagesen, dicía que "non debería haber bombeiros de primeira e de segunda", e instaba a que "as comunidades autónomas melloraran as condicións do seu persoal de extinción".

Na mesma liña, se manifestaba a vicepresidenta segunda e ministra de Traballo, Yolanda Díaz, porque "non se pode protexer sen condicións laborais dignas. Para protexer ao noso medio ambiente e a nosa seguridade é necesario protexer os dereitos laborais".

Publicidade

Preme na imaxe se queres contactar connosco.

A cidadanía debe saber os desmáns que as administracións de Galicia están a realizar con estes traballadores e traballadoras e estes servizos e esixir o seu dereito a ter uns servizos profesionais dignos.

Preguntámonos: Que máis ten que suceder? Cando vai ser o momento?".

A Asociación de Grupos de Emerxencia Supramunicipais de Galicia