54 persoas participaron no Goza do Ulla organizado polos Concellos de Vila de Cruces e Touro

Ecos da Comarca/Cruces/Touro

Os Concellos de Vila de Cruces e Touro organizaron este pasado sábado, 13 de setembro, o roteiro “As dúas beiras do Ulla”, actividade enmarcada no programa ‘Goza do Ulla 2025’ na que participaron 54 persoas chegadas, ademais desde os municipios organizadores, doutros puntos como Vigo, A Coruña, Brión ou Ames.

A ruta de sendeirismo foi de carácter fluvial, tipo lineal e de dificultade media. Os participantes percorreron durante cinco horas a senda polas dúas marxes do río Ulla

nos concellos de Cruces e Touro. Ao longo do leito do Ulla, os participantes, acompañados en todo momento polos monitores da ruta, mergulláronse en bosques

ribeiregos e gozaron da riqueza paisaxística que xorde ao redor da auga. A ruta ofreceulles fermosas paisaxes naturais como o Sobreiral do Ulla, un conxunto de

sobreiras de 400 metros de lonxitude en Touro. Finalmente, desfrutaron do avituallamento na fermosa illa da área recreativa de Remesquide.

Publicidade

O programa ‘Goza do Ulla’ naceu en 2011 para desfrutar do Ulla con rutas de sendeirismo programadas nos municipios bañados polo río, que percorre as provincias de Lugo, A Coruña e Pontevedra.