19 concellos participan no Goza do Ulla que este ano inclúe 17 rutas de senderismo ao redor deste río

O programa foi presentado na feira Abanca Semana Verde de Silleda e forman parte desta iniciativa oito municipios das comarcas

Ecos da Comarca/Xeral

O programa ‘Goza do Ulla 2025’ foi presentado este venres na Semana Verde de Silleda polos representantes dos 19 concellos participantes nesta edición: A Estrada, Antas de Ulla, Arzúa, Boqueixón, Catoira, Dodro, Monterroso, Padrón, Palas de Rei, Pontecesures, Rianxo, Santiso, Silleda, Teo, Touro, Valga, Vedra, Vila de Cruces, e Vilagarcía de Arousa. Cabe mencionar que este ano, das comarcas non participa Agolada.

Nesta edición, organizada polos concellos de Vila de Cruces e Antas de Ulla, realizaranse 17 rutas de sendeirismo por diferentes zonas dos concellos polas que discorre o río Ulla, co obxecto de visibilizar esta fermosa contorna natural e mostrar a súa riqueza patrimonial, cultural, medioambiental e paisaxística. A primeira xa se celebrou o 11 de maio en Teo e as seguintes celebraranse do 22 de xuño ao 19 de outubro.

Publicidade

As persoas interesadas en participar deberán inscribirse nos concellos correspondentes. Máis información no mail gozadoulla@gmail.com

O programa ‘Goza do Ulla 2025’ naceu en 2011 para desfrutar do Ulla con rutas de sendeirismo programadas nos municipios bañados polo río, que recorre as provincias

de Lugo, A Coruña e Pontevedra.