Ábrese o prazo para participar no club delectura feminista Máis Violeta de Silleda
As persoas interesadas en participar poden inscribirse a partir do vindeiro día 15 e ata o 28 deste mes
Laura Moure/Silleda
O club de lectura Máis Violeta, coordinado polo Centro de Información á Muller (CIM) de Silleda, do departamento municipal de Igualdade, que dirixe Ángela Troitiño, retoma
a súa actividade. Todas as persoas que queiran participar nas sesións, con xuntazas cada
quince días na biblioteca municipal Daniel Castelao, poden inscribirse dende o vindeiro xoves día 15 e ata o 28 deste mes.
Para formalizar a inscrición nesta iniciativa de dinamización lectora ca igualdade como protagonista, as persoas interesadas poden chamar ao 986 592 037 ou ben enviar un mail a cim@silleda.es
Dende Máis Violeta lémbrase que o feminismo, insertado na literatura é un poderoso vehículo de reivindicación e cohesión. Con esta premisa arranca unha segunda edición deste club de lectura, no que se compartirán experiencias e contidos para tratar de mudar as cousas, constituíndo unha comunidade baseada na sororidade e no feminismo.
Os títulos que se analizarán abordarán diferentes temáticas, sempre co obxectivo de crear debate e un pensamento crítico.
Comentarios