Xa podes apoiar a ECOS DA COMARCA por 0,99 euros ao mes!
Laura Moure/Xeral
Hai cousas que non teñen prezo. Unha historia contada desde aquí. Unha festa da nosa parroquia. A voz dunha veciña. A reivindicación dun concello. Unha noticia que lle pode axudar a alguén. A problemática do teu pobo, pero que lle interesa ao teu veciño que non lle quedou outra que emigrar.
En ECOS DA COMARCA levamos anos intentando facer precisamente iso: estar onde pasan as cousas e contalas. Con independencia, con proximidade e, sobre todo, con moitas horas de traballo detrás de cada noticia, de cada vídeo e de cada publicación.
Agora queremos contarvos que xa podedes subscribirvos ao noso Facebook por tan só 0,99 euros ao mes.
E queremos deixar algo moi claro: non teredes contido exclusivo nin ningunha vantaxe especial. Todo o que facemos seguirá estando aí, aberto para todos, como ata agora.
Entón, para que serve subscribirse?
Serve simplemente para apoiarnos.
Para dicirnos: “Gústame o que facedes. Quero que sigades aí.”
PUBLICIDADE
Porque 0,99 euros poden parecer pouca cousa. É menos do que custa un café. Pero, cando son moitas persoas as que poñen un pequeno gran de area, para un medio independente coma o noso pode significar moito.
Significa axudarnos a seguir pagando desprazamentos, equipos, ferramentas, autónomos, e, sobre todo, a poder dedicar horas a ese xornalismo de proximidade que ás veces só existe porque alguén decidiu estar alí para contalo.
Non vos pedimos que paguedes por ler ECOS DA COMARCA.
Pedímosvos que, se valorades o noso traballo, vós axudamos nalgún momento e queredes agora axudarnos a continuar, consideredes subscribirvos.
Por 0,99 euros ao mes.
Un pequeno xesto para vós.
Un grande apoio para nós.
PUBLICIDADE
Grazas por estar ao outro lado. E por axudarnos a que os ecos desta comarca sigan chegando cada día un pouco máis lonxe.
Comentarios