Xa está aberto o prazo para anotarse no obradoiro do 11 de xullo do ciclo 'As mañás en Nugallás'

Laura Moure
hace 2 minutos
1 min de lectura

Esta inciativa lévase a cabo todos os sábados de xullo e agosto no Parque Central de Galicia, en Nugallás (Antas de Ulla)

Laura Moure/Antas de Ulla

Este vindeiro sábado, 11 de xullo, terá lugar a segunda xornadad do Ciclo Cultural As mañás en Nugallás, unha idea orixinal de Tarabela Creativa e que está promovida pola Deputación de Lugo. Esta iniciativa ten lugar todos os sábados de xullo e agosto no Parque Central de Galicia, en Nugallás (Antas de Ulla).

O sábado pasado arrancou este proxecto co obradoiro Mundo paxaro de Xesta Brava. Unha iniciativa sobre ornitoloxía que deixou namorados aos máis pequenos da casa.

PUBLICIDADE

Preme na imaxe para obter máis información deste evento.

E despois houbo super Consertasso na Horta con gran Brais das Hortas. Aquí a música e a risa estiveron aseguradas. Sen dúbida foi unha xornada ideal para pasar en familia.

Pero o ciclo continúa este sábado, 11 de xullo. Ás 10 horas terá lugar o obradoiro Bombas de Vida impartido tamén por Xesta Brava. Tal e como informan dende a organización "imos aprender sobre compost, sementes, fungos e de que está composto o solo que pisamos, entre outros misterios! Deixámosvos acó o formulario para cubrir https://docs.google.com/forms/d/e/1FAIpQLSe6qomkxd-GNTyhKBgIvaRNniInkeZjbLzdq_JqxTwGrnDOIQ/viewform?usp=send_form, pero se o preferides podedes contactar no noso correo electrónico ou whatsapp (680470278) e tamén volo facilitaremos!".

PUBLICIDADE