Volve o futsal a Agolada este sábado coa primeira edición do Trofeo Ángel Utrera

O Restaurante Galicia Agolada F.S enfrontarase ao Guitiriz FS

Ecos da Comarca/Agolada

Este sábado, 25 de setembro, volve o fútbol sala a Agolada. E volve coa primeira edición do Trofeo Ángel Utrera, na honra a este veciño do municipio. A cita será ás 19:00 horas no pavillón municipal de Agolada.

O Restaurante Galicia Agolada F.S enfrontarase ao Guitiriz FS.

"Decidimos poñerlle o seu nome para deste xeito agradecerlle todo o que leva feito por nós e por tódolos nenos de Agolada que algún día participaron naquela “escoliña” de fútbol sala ( como a el lle gusta chamarlle)", indica o equipo.

"Quedei sen palabras. Tan só podo dicir GRACIAS. Millóns de gracias", indica Ángel Utrera.