Vila de Cruces repartirá 1.500 euros en premios no seu desfile de Entroido

Laura Moure
13 feb 2022
1 Min. de lectura

Este será o 1 de marzo e haberá diversas categorías

Laura Moure/Vila de Cruces

O Entroido volverá encher maxia e cor as rúas de Vila de Cruces. O alcalde, Luis Taboada, mantivo unha reunión co tenente alcalde e concelleiro de Cultura, Julio López, e a concelleira de Facenda, Mireya Otero, para organizar a celebración destas datas, que xa comezan achegarse e a situación sanitaria desta volta permitirá a súa celebración. López adianta que si haberá desfile de Entroido con premios para os gañadores.

“Contaremos coa animación da charanga Castro Bello durante o desfile”, explica o tenente de alcalde, que anima a todos os amantes do Entroido a que retomen esta gran tradición e se sumen o festexo. O desfile celebrarase o martes 1 de marzo e comezara ás 17:30 horas polas rúas do municipio ata acabar na Praza Juan Carlos I. Tal e como explican desde o Concello, a xente que queira optar aos premios poderá inscribirse o mesmo día do desfile, aínda que por motivos de organización agradecese que non esperaren ao ultimo día para facelo. As inscricións poden facerse no concello ou a través dos teléfonos 986 582 017 ou no 687 228 590.