top of page

Vila de Cruces celebra o 27 de xullo a XXX Xuntanza dos Maiores

O prazo de inscrición será dende o 3 ao 18 dese mes


Laura Moure/Vila de Cruces

O 27 de xullo o Concello de Vila de Cruces celebrará a XXX edición da Xuntanza dos maiores nas Ínsuas de Gres. O prazo de inscrición será dende o 3 ao 18 de xullo en horario de 10:00 a 14:00 horas a través do rexistro do Concello.

Unha edición pasada. Autor: José Ramón Moire.

"Tamén teredes as autoliquidacións subidas na web do concello para poder descargar; ademais de telas no rexistro do concello", informa o ente local. "Recordade que para poder retirar a entrada deberedes traer o xustificante de pago ademais de entregar a autoliquidación. Non se admitirán inscricións fóra do prazo estipulado", recalca. O número de conta habilitada é a seguinte: ES03 2080 5071 1630 4000 3006. (No concepto hai que indicar Xuntanza de maiores 2023).

Programa

Ás 12:00 horas terá lugar a recepción dos asistentes no lugar de celebración. Un cuarto de hora despois está prevista a actuación de Carlos Manteiga. Ás 13:15 horas oficiarase unha misa e seguindamente, terá lugar o xantar. O menú será a base de empanada, pulpo, carne ao caldeiro, postre, auga, viño, refrescos e café. Sobre ás 16:15 horas homenaxearase ao home e á muller de maior idade e haberá distintos sorteos. Por último, os asistentes desfrutarán de baile.

Os prezos

  • As persoas de 60 anos ou máis empadronadas en Vila de Cruces: 10 euros.

  • As persoas a partir de 15 anos: 20 euros.

  • Nenos de entre 9 e 14 anos: 10 euros.

  • Nenos de 0 a 8 anos: Gratuíto.

O Concello sinala que en caso de choiva a comida realizarase no pavillón municipal e reitera "que non se venderán entradas fóra das datas sinaladas nin nas Ínsuas".

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page