Vila de Cruces celebra hoxe a súa 26 Feira de Nada ldo Galo de Curral cunha degustación gratuíta

O alcalde, Luis Taboada, sinala que "Esta feira do noso produto estrela é unha forma de reforzar a nosa identidade e tradición"

Laura Moure/Vila de Cruces

O Concello de Vila de Cruces celebrará hoxe, luns, 22 de decembro, a XXVI Feira de Nadal do Galo de Curral. Terá lugar na Praza Juan Carlos I (Praza do Concello), a partir das 11:00 horas. O alcalde Luis Taboada inaugurará a festa ás 12:00 horas, acompañado polo delegado territorial da Xunta en Pontevedra, Agustín Reguera; o xefe territorial de

Medio Rural en Pontevedra, Antonio Crespo; e varios concelleiros de Boqueixón e Touro.

 Publicidade

Preme na imaxe para obter máis información.

Habilitarase unha carpa para acoller a degustación gratuíta do galo, con elaboracións realizadas polos cociñeiros de oito establecementos locais de restauración, e a venda

do animal xa morto para levar para á casa. A xornada contará coa actuación en directo

dos Gaiteiros Vai Nela de Salgueiros, que poñerán o ritmo e a festa durante toda a

xornada.

Publicidade

Preme para contactar con nós e pregunta polas tarifas que son unha bicoca!

“Esta feira do galo de curral, o noso produto estrela, é unha forma de reforzar a nosa identidade e tradición. E vai todo nun ambiente de festa, amizade e abrazos”, destaca o

alcalde. Agradece a súa implicación coa feira aos restaurantes e cociñeiros locais

colaboradores na degustación: A de Rafael, O Galicia, Onde Antonio Mouriscade,

Casa San Martín, Casa Don Din, O Refuxio, Álex Iglesias e O Pazo; ademais de aos

criadores do galo de curral, “porque a súa presenza nesta praza é sinal claro do seu

compromiso con esta feira e coa propia vila”.