Unha persoa falecida e outra ferida tras ser atropeladas pola furgoneta do panadeiro
- ecosdacomarca
- hace 7 horas
- 1 Min. de lectura
Ecos da Comarca/Xeral
Un atropelo deixou unha persoa falecida e outra ferida este xoves, tal e como informa o 112 Galicia. O suceso ocorreu na Cañiza. Os Bombeiros de Ponteareas liberaron ás persoas.
Dez minutos antes das 13 horas, un particular informou de que unha furgoneta de reparto de pan acababa de atropelar a dúas persoas no Portonaval, na parroquia de Petán. Como explicaron diversos alertadores, o vehículo estaba parado e sen condutor e foise cara atrás, atrapando dúas persoas debaixo.
Publicidade
De inmediato, desde o 112 Galicia alertouse a Urxencias Sanitarias de Galicia-061, que mobilizou o seu helicóptero medicalizado con base en Ourense, ao GES-SPEIS de Ponteareas, aos axentes da Garda Civil e da Garda Civil de Tráfico e á Policía Local da Cañiza.
Os Bombeiros de Ponteareas encargáronse de liberar ás dúas persoas. Pola súa banda, os profesionais sanitarios só puideron confirmar o falecemento dunha delas.
Comments