Un operario resultou ferido esta mañá tras precipitarse dun andamio no municipio de Arzúa

Foi evacuado en helicóptero ao centro hospitalario

Laura Moure/Arzúa

Un operario resultou ferido esta mañá no municipio de Arzúa ao caer dun andamio. Moi preto das dez horas, o 112 Galicia recibiu a chamada de alerta dun compañeiro do traballador ferido. No seu relato, solicitaba axuda para o home que caera mentres realizaba unha obra de albañilería nunha granxa de explotación de aves.

De inmediato, desde o 112 Galicia pasouse aviso aos profesionais de Urxencias Sanitarias de Galicia-061 que, debido á gravidade das lesións, optaron pola mobilización do helicóptero medicalizado con base en Santiago. Así, a aeronave tomou terra preto do lugar dos feitos. Para prestar apoio ao equipo médico, desde o 112 informouse os axentes da Garda Civil, á Policía Local e aos efectivos de Protección Civil de Arzúa.

Cabe mencionar que toda esta información foi proporcionada polo 112 Galicia.

Un helicóptero do 061.

Autor: Sergas.