Un lume arrasa unhas cinco hectáreas en Vimianzo, no concello de Santiso

Laura Moure/IsmaelRS/Santiso

O incendio de hoxe. Autor: Ecos da Comarca.

ECOS DA COMARCA desprazámonos esta tarde a un incendio forestal orixinado no concello de Santiso, xa limitando con zonas dos concellos de Melide e Palas de Rei.

As avionetas hoxe no lugar. Autor: Ecos da Comarca

Segundo os datos proporcionados pola Consellería de Medio Rural ás 20:30 horas o lume afectou á parroquia de Vimianzo, no concello de Santiso. Iniciouse ás 17:11 horas e está controlado desde as 20:15.

Preme na imaxe se queres obter máis información deste evento.

A superficie estimada é dunhas cinco hectáreas.

"Polo de agora, mobilizáronse para o seu control dous axentes, seis brigadas, catro motobombas e tres helicópteros", sinala Medio Rural.

Cabe mencionar que nós que estivemos no lugar tamén vimos que participaron nas labores dúas avionetas. De feito, nalgunha das súas intervencións botaron retardantes que é ese po de cor vermello que chama a atención. Os retardantes do lume son compostos químicos moi eficaces na extinción de incendios forestais. Pode verse no seguinte vídeo que fixemos hoxe:

Autor: Ecos da Comarca